«Барселона» ҳужумчиси Маркус Решфорд Испания чемпионатининг 31-тури доирасида «Эспаньол»га қарши кечган баҳсдаги ғалабага муносабат билдирди. Каталонияликлар 4:1 ҳисобида зафар қучишди. Решфорд учрашувнинг 89-дақиқасида ўз исмини таблога ёздириб қўйишга муваффақ бўлди.

«Бугун дербида ажойиб ғалабага эришдик! Энди бор диққат-эътиборимиз сешанба кунги ўйинга қаратилади», — деб ёзди инглиз футболчиси ижтимоий тармоқлардаги саҳифасида.

Сешанба куни «Барселона» ЕЧЛ чорак финалининг жавоб учрашуви доирасида Мадридда «Атлетико» меҳмони бўлади. Дастлабки ўйинда каталонияликлар 0:2 ҳисобида имкониятни бой беришган эди.