Испанияда Ла Лиганинг 31-туридан ўрин олган «Реал» ва «Жирона» (1:1) жамоалари ўртасидаги ўйинда мадридликлар ҳужумчиси Килиан Мбаппенинг юзидаги қон нима учун трансляцияда кўрсатилмаганига изоҳ берилди. Бу ҳақда AS нашри хабар бермоқда.

Ла Лига вакилларининг тушунтиришича, бу вазиятда аниқ ракурс бўлмаган: мавжуд бўлган ягона такрорий лавҳада футболчининг юзини шифокорнинг қўли тўсиб қолган. Шу билан бирга, лига раҳбарияти тирсак билан берилган зарба эпизоди такроран саккиз марта кўрсатилганини ва тўқнашув оқибатларини яшириш бўйича ҳеч қандай кўрсатма бўлмаганини алоҳида таъкидлади.

Эпизод ўйиннинг 88-дақиқасида содир бўлди. Мбаппе дарвоза майдончаси томон ҳаракатланаётган вақтда ҳимоячи Витор Рейс билан тўқнашиб кетди ва майдонга йиқилди. Оёқлардаги контактдан ташқари, Рейс қўли билан Мбаппенинг юзига ҳам зарба берган эди.

31 та ўйиндан сўнг «қаймоқранглилар» 70 очко жамғарган ҳолда иккинчи ўринда бормоқда. «Жирона» эса 38 очко билан тўққизинчи поғонани эгаллаб турибди.