«Арсенал» клуби «Ньюкасл Юнайтед» вингери Энтони Гордоннинг эҳтимолий трансферини кўриб чиқиш мақсадида уни кузатувга олди. Бу ҳақда TEAMtalk нашри хабар бермоқда.
Англия терма жамоаси аъзоси «Арсенал» раҳбарияти томонидан кўриб чиқилаётган бир нечта вингерлар қаторидан жой олган. Таъкидланишича, лондонликларнинг ушбу позиция учун асосий «орзусидаги» мақсади «Атлетико Мадрид» ҳужумчиси Хулиан Альварес бўлиб турибди.
25 ёшли Гордон энг юқори савияда иштирок этишга интилмоқда ва хабарларга кўра, «Арсенал» бош мураббийи Микель Артета қўл остида ишлаш имкониятидан мамнун бўлади. Ушбу мавсумда Энтони «Ньюкасл» сафида 45 та учрашувда майдонга тушиб, 17 та гол урди ва 5 та голли узатмани амалга оширди.
