«Ливерпуль» клубининг собиқ бош мураббийи Юрген Клопп Муҳаммад Салоҳни ноёб футболчи деб атади.

«Эҳтимол, илгари Иан Раш ёки шунга ўхшаш футболчиларнинг голларини санашганда ҳам шундай дейишгандир, лекин Салоҳнинг фаолиятига ўхшаш воқеа бошқа такрорланмаса керак деб ўйлайман.

Ундаги барча хусусиятлар — қобилият, ёрқин шахсият ва иштиёқнинг уйғунлиги ҳайратланарли. Мен ҳеч қачон унга ўхшашини кўрмаганман. Агар уни машғулотларда кўрганингизда, уни жуда истеъдодли, чап оёғи кучли ва тезкор эканлигига гувоҳ бўлардингиз. У Римдаги реализациясидан қониқмагани учун гол уришни бошлади ва ҳатто ҳовлисида ҳам тинимсиз шуғулланди. Кўпчилик боғига дарвоза ўрнатиб, маҳоратини оширишга ҳаракат қилишига ишончим комил.

Энг зўр футболчилар билан ишлаш доим ҳам осон кечмайди ва бу табиий ҳол. Мураббийнинг вазифаси ҳаммани кулдириш эмас, балки ўйинчиларни янги даражага олиб чиқишдир. Бунинг учун баъзан уларни ғазаблантириш ҳам керак. „Ғазабланяпсанми? Яхши. Буни мураббийлар хонасида эмас, майдонда кўрсат“, дейиш лозим.

Унинг сўнгги ўйинларини ҳақиқатан ҳам қизиқиш ва интизорлик билан кутяпман. У ушбу ажойиб давр якунланиб бораётганини билади. Келинг, бундан завқланайлик», — деди Клопп Питер Краучнинг подкастида.