«Liverpul» klubining sobiq bosh murabbiyi Yurgen Klopp Muhammad Salohni noyob futbolchi deb atadi.
«Ehtimol, ilgari Ian Rash yoki shunga o‘xshash futbolchilarning gollarini sanashganda ham shunday deyishgandir, lekin Salohning faoliyatiga o‘xshash voqea boshqa takrorlanmasa kerak deb o‘ylayman.
Undagi barcha xususiyatlar — qobiliyat, yorqin shaxsiyat va ishtiyoqning uyg‘unligi hayratlanarli. Men hech qachon unga o‘xshashini ko‘rmaganman. Agar uni mashg‘ulotlarda ko‘rganingizda, uni juda iste’dodli, chap oyog‘i kuchli va tezkor ekanligiga guvoh bo‘lardingiz. U Rimdagi realizasiyasidan qoniqmagani uchun gol urishni boshladi va hatto hovlisida ham tinimsiz shug‘ullandi. Ko‘pchilik bog‘iga darvoza o‘rnatib, mahoratini oshirishga harakat qilishiga ishonchim komil.
Eng zo‘r futbolchilar bilan ishlash doim ham oson kechmaydi va bu tabiiy hol. Murabbiyning vazifasi hammani kuldirish emas, balki o‘yinchilarni yangi darajaga olib chiqishdir. Buning uchun ba’zan ularni g‘azablantirish ham kerak. „G‘azablanyapsanmi? Yaxshi. Buni murabbiylar xonasida emas, maydonda ko‘rsat“, deyish lozim.
Uning so‘nggi o‘yinlarini haqiqatan ham qiziqish va intizorlik bilan kutyapman. U ushbu ajoyib davr yakunlanib borayotganini biladi. Keling, bundan zavqlanaylik», — dedi Klopp Piter Krauchning podkastida.
