«Ливерпуль» ҳужумчиси Муҳаммад Салоҳ фаолиятини Испанияда давом эттириши мумкин. FlashScore берган маълумотларга кўра, ҳужумчида МЛС (АҚШ) клубларидан бир қатор таклифлар бор.

Шунга қарамай, мисрлик футболчи «Барселона»га ўтишни истамоқда. Каталония клуби Салоҳни қўлга киритишга қизиқиш билдирмоқда, бироқ ҳозирча трансфер бўйича амалий қадамларни ташлагани йўқ.

Эслатиб ўтамиз, аввалроқ Салоҳ жорий мавсум якунлангач, «Ливерпуль»ни эркин агент сифатида тарк этишини эълон қилган эди. У инглиз клубига 2017 йилда «Рома»дан 42 миллион евро эвазига ўтганди.

Ушбу мавсумда Салоҳ «қизиллар» сафида барча турнирларда 36 та ўйинда майдонга тушиб, 11 та гол урди ва 9 та голли узатмани амалга оширди.