«Liverpul» hujumchisi Muhammad Saloh faoliyatini Ispaniyada davom ettirishi mumkin. FlashScore bergan ma’lumotlarga ko‘ra, hujumchida MLS (AQSH) klublaridan bir qator takliflar bor.
Shunga qaramay, misrlik futbolchi «Barselona»ga o‘tishni istamoqda. Kataloniya klubi Salohni qo‘lga kiritishga qiziqish bildirmoqda, biroq hozircha transfer bo‘yicha amaliy qadamlarni tashlagani yo‘q.
Eslatib o‘tamiz, avvalroq Saloh joriy mavsum yakunlangach, «Liverpul»ni erkin agent sifatida tark etishini e’lon qilgan edi. U ingliz klubiga 2017 yilda «Roma»dan 42 million yevro evaziga o‘tgandi.
Ushbu mavsumda Saloh «qizillar» safida barcha turnirlarda 36 ta o‘yinda maydonga tushib, 11 ta gol urdi va 9 ta golli uzatmani amalga oshirdi.
