Италия А серияси 32-туридан ўрин олган баҳсда «Комо» ва «Интер» жамоалари тўқнаш келди. Учрашув Комодаги "Жузеппе Синигалья" стадионида бўлиб ўтди. Ўйин меҳмонлар фойдасига 4:3 ҳисобида якунланди.

Ҳисобни 36-дақиқада майдон эгалари ҳимоячиси Алекс Валле очди. 45-дақиқада Николас Пас устунликни оширди — 2:0. Бир дақиқадан сўнг «Интер» ҳужумчиси Маркус Тюрам жавоб голини урди.

Иккинчи бўлимда Тюрам 49-дақиқада дубль расмийлаштириб, ҳисобни тенглаштирди. 58-дақиқада Дензел Думфрис меҳмонларни олдинга олиб чиқди, 72-дақиқада эса у яна бир бор гол уриб, дубль қайд этди. Учрашув сўнгги дақиқаларида, 89-дақиқада «Комо» ярим ҳимоячиси Лукас Да Кунья пенальтини аниқ бажариб, якуний ҳисобни ўрнатди.

Ҳозирги ҳолатга кўра, «Интер» 32 ўйиндан кейин 75 очко билан турнир жадвалида пешқадам. «Комо» эса 58 очко билан 5-ўринда жойлашган.

Италия — А серия, 32-тур
12 апрель 2026 йил
«Комо» — «Интер» 3:4
Голлар: Алекс Валле 36' (1:0), Николас Пас 45' (2:0), Маркус Тюрам 45+1' (2:1), 49' (2:2), Дензел Думфрис 58' (2:3), 72' (2:4), Лукас Да Кунья 89' (3:4, пенальти)