Бир неча кун аввал ҳимоячи Нико Шлоттербек «Боруссия» билан шартномасини узайтирди. Янги меҳнат келишуви 26 ёшли футболчини Дортмунд клуби билан 2031 йилнинг ўрталарига қадар боғлаб туради.

Журналист Флориан Плеттенбергнинг ижтимоий тармоқларда хабар беришича, Шлоттербекнинг шартномасида товон пули ҳақидаги банд кўзда тутилган бўлиб, уни шу ёздаёқ фаоллаштириш мумкин. Шу билан бирга, ушбу банддан фақат маълум клубларгина фойдаланиши мумкин. «Бавария» бу рўйхатга киритилмаган, бироқ Мадриднинг «Реал» клубида бундай имконият бор. Трансфер суммаси тахминан 50-60 миллион еврони ташкил этади.

Нико Шлоттербек «Боруссия» сафида жами 156 та ўйин ўтказиб, 10 та гол урди ва шерикларига 18 та голли узатмани амалга оширди.