Осиё футбол конфедерацияси (AFC) мусобақаларни ўтказиш қўмитаси қитъанинг энг нуфузли клуб турнири — Элит Осиё чемпионлар лигасини ислоҳ қилиш бўйича қатор муҳим ўзгаришларга қўл урди.

32 жамоали формат

2026/27 мавсумдан бошлаб мусобақа 32 жамоали форматга ўтказилиши режалаштирилмоқда. Ҳозирги 24 жамоали тизим ўрнига, ҳар бир минтақада (Шарқ ва Ғарб) 16 тадан клуб иштирок этади.

Плей-офф босқичи жорий этилади

2026/27 мавсумдан кейин турнирнинг кейинги босқичга чиқиш тартиби ҳам ўзгаради:

— 1–6-ўринни олган жамоалар тўғридан-тўғри 1/8 финалга чиқади;
— 7–10-ўриндаги жамоалар янги плей-офф босқичида иштирок этади.

Плей-оффда:

— 7 ва 8-ўрин эгалари уй майдонида ўйнайди;
— ғолиблар 1/8 финалга йўл олади.

Муҳим изоҳ

Глобал тақвимнинг зичлиги сабаб плей-офф тизими 2026/27 мавсумда эмас, балки кейинги мавсумлардан жорий этилиши режалаштирилган.

Якуний қарор ОФК ижроия қўмитаси томонидан тасдиқлангандан сўнг кучга киради.