«Барселона»нинг нидерландиялик ярим ҳимоячиси Френки де Йонг «Атлетико»га қарши бўлажак тўқнашувда илк дақиқалардан майдонга тушиши мумкин. Бу ҳақда Cadena SER хабар бермоқда.
Манба берган маълумотларга кўра, агар де Йонг 60 дақиқа ёки ҳеч бўлмаганда бир бўлим ўйнашга тайёр бўлса, Флик уни асосий таркибга киритади. Мураббий де Йонгни стартда кўришни истамоқда, чунки унинг майдонда бўлиши Педрининг ўйинига ижобий таъсир кўрсатади.
Эслатиб ўтамиз, де Йонг жароҳати сабабли қарийб икки ойни ўтказиб юборди. Ярим ҳимоячи ўтган турдаги «Эспаньол»га қарши баҳсда (4:1) майдонга қайтиб, олти дақиқа ҳаракат қилди.
