«Ливерпуль» бир мавсумдаги мағлубиятлар сони бўйича клуб антирекордини ўрнатди.
Бугун Арне Слот шогирдлари Чемпионлар лигаси чорак финалининг жавоб учрашувида «ПСЖ»га имкониятни бой берди (0:2, дастлабки ўйин – 0:2). Мусобақанинг жорий мавсумида «қизиллар» жами 5 та ўйинда мағлуб бўлишди — бу клуб тарихидаги энг ёмон кўрсаткичдир.
Маълумот учун, 2006/07 ва 2018/19 йилги мавсумларда мерсисайдликлар Чемпионлар лигасида 4 тадан мағлубият қайд этишган эди. Эътиборлиси, 2019 йилда улар ҳатто мусобақа ғолибига айланишган.
