«ПСЖ» сўнгги икки мавсум ичида инглиз жамоаларини Чемпионлар лигаси плей-офф босқичидан беш марта чиқариб юборди.

Бугун Луис Энрике шогирдлари чорак финалнинг икки ўйини натижасига кўра «Ливерпуль» устидан ғалаба қозониб (2:0, 2:0), турнирнинг ярим финалига йўл олди. Бундан аввал, 1/8 финалда парижликлар «Челси»дан устун келишган эди (5:2, 3:0).

Мусобақанинг ўтган мавсумида ҳам Франция клуби 1/8 финалда «Ливерпуль»ни (0:1, 1:0, пенальтилар бўйича 4:1), чорак финалда «Астон Вилла»ни (3:1, 2:3) ва ярим финалда «Арсенал»ни (1:0, 2:1) мағлуб этганди. Ўша мавсум якунида «ПСЖ» турнир ғолибига айланган эди.