Мадриднинг «Реал» клуби инглиз ярим ҳимоячиси Жуд Беллингем Чемпионлар лигаси чорак финали доирасида Мюнхеннинг «Бавария» жамоасига қарши кечадиган жавоб учрашувидан нималар кутаётгани билан ўртоқлашди.
«Мен «Боруссия»да ўйнаб юрган вақтларимда бу ерда (Мюнхенда) майдонга тушганман ва у дамлардан қолган хотираларим у қадар ёқимли эмас. Жуда юқори интенсивлик, ажойиб мураббий — уларнинг нима учун бунчалик кучли эканлигига кўплаб сабаблар бор», — дея футболчининг сўзларидан иқтибос келтиради УЕФА матбуот хизмати.
