Мюнхеннинг «Бавария» клуби ўз майдонида Мадриднинг «Реал» жамоасини 4:3 ҳисобида мағлуб этиб, Чемпионлар лигасининг ярим финалига йўл олди. Икки ўйин натижасига кўра (6:4) немис клуби зафар қучди.
Учрашувда «Бавария» голларига Александар Павлович, Харри Кейн, Луис Диас ва Майкл Олисе муаллифлик қилган бўлса, «Реал» таркибида Арда Гюлер дубль қайд этди, яна бир гол Килиан Мбаппе ҳисобига ёзилди. Эътиборлиси, Гюлер ўйиннинг 35-сониясидаёқ ҳисобни очиб, «Реал» тарихидаги ЕЧЛнинг энг тезкор голи муаллифига айланди.
Мадридликлар ярим ҳимоячиси Эдуарду Камавинга 86-дақиқада иккинчи сариқ карточкани олиб, майдонни тарк этди.
Энди «Бавария» ярим финалда Франциянинг «ПСЖ» клубига қарши баҳс олиб боради. Парижликлар чорак финалда «Ливерпуль»ни икки ўйин натижасига кўра 4:0 ҳисобида мағлуб этишди.
«БАВАРИЯ» — «РЕАЛ МАДРИД» — 4:3
(Биринчи ўйин — 2:1, умумий ҳисоб — 6:4)
Голлар: Арда Гюлер 1’ (0:1), Александар Павлович 6’ (1:1), Арда Гюлер 29’ (1:2), Ҳарри Кейн 38’ (2:2), Килиан Мбаппе 42’ (2:3), Луис Диас 89’ (3:3), Майкл Олисе 90+4’ (4:3).
«Бавария»: Мануэль Нойер, Дайо Упамекано, Жонатан Та, Конрад Лаймер, Йосип Станишич (Альфонсо Дэвис, 46), Йозуа Киммих, Александар Павлович, Серж Гнабри (Жамал Мусиала, 61), Луис Диас, Майкл Олисе, Ҳарри Кейн.
«Реал Мадрид»: Андрей Лунин, Эдер Милитао, Антонио Рюдигер, Ферлан Менди, Трент Александр-Арнольд (Франко Мастантуоно, 90), Джуд Беллингем, Федерико Вальверде, Арда Гюлер (Марк Питарч, 90), Браим Диас (Эдуардо Камавинга, 62), Винисиус Жуниор, Килиан Мбаппе.
Огоҳлантиришлар: Йосип Станишич (29), Эдер Милитао (40), Антонио Рюдигер (71), Эдуардо Камавинга (78).
Четлатишлар: Эдуардо Камавинга (86, иккинчи сариқ), Арда Гюлер (90).
