Мадриднинг «Реал» жамоаси ярим ҳимоячиси Винисиус Жуниор Чемпионлар лигаси чорак финали жавоб учрашуви давомида жамоадоши Жуд Беллингем билан тортишиб қолди. Бу ҳақда Madrid Universal нашри X ижтимоий тармоғида хабар берди.
Манбага кўра, Беллингем Винисиуснинг унга узатма бермаганидан норози бўлган ва жаҳли чиққан. Бунга жавобан бразилиялик футболчи: «Нима хоҳлайсан? Оғзингни ёп», — деган.
Икки ўйин натижасига кўра «Бавария» 6:4 ҳисобида ғалаба қозониб, ярим финалга йўл олди. Мюнхенликлар финал йўлланмаси учун «ПСЖ»га қарши майдонга тушади.
Аввалроқ хабар қилинганидек, «Реал» кетма-кет иккинчи мавсум Чемпионлар лигаси ярим финалига чиқа олмади. Ўтган мавсумда мадридликлар ушбу босқичда Лондоннинг «Арсенал» жамоасига (0:3, 2:1) мағлуб бўлган эди.













