«Челси» ҳаммуаллифи Бехдад Эгбали жамоа бош мураббийи Лиам Росеньорнинг фаолияти ҳақида фикр билдирди.
Англиялик мутахассис «кўклар»нинг сўнгги ойлардаги муваффақиятсиз натижалари фонида танқидлар остида қолган эди.
«Бизнингча, Росеньорда «Челси»да муваффақиятли ишлаш учун зарур бўлган барча фазилатлар мавжуд. У ишни жуда яхши бошлади. Тўғри, сўнгги беш-олтита ўйин оғир кечди, лекин биз Лиамни қўллаб-қувватлаймиз. Албатта, футбол — бу натижага йўналтирилган бизнес, аммо биз мураббий узоқ муддатли истиқболда муваффақиятга эриша олишига ишонамиз», — дея Эгбалининг сўзларини келтиради «The Athletic».
Лиам Росеньор ушбу лавозимни январда Энцо Мареска ўрнига эгаллаган эди.
