«Марсель» клубининг 22 ёшли ярим ҳимоячиси Билал Надир, катта эҳтимол билан, ёзда жамоани эркин агент сифатида тарк этади. Бу ҳақда «L’Equipe» нашри хабар бермоқда.
Надир Роберто Де Дзерби кетганидан кейин жамоани қабул қилиб олган Хабиб Бейе бошқарувидаги таркибда фақат захира футболчиси ролини ўйнамоқда, холос. Ушбу мавсумда марокашлик футболчи чемпионатда 19 та ўйинда иштирок этди. Октябрь ойида эса у саломатлиги билан боғлиқ муаммоларга дуч келди — «Анже»га қарши баҳсда майдонда ҳушини йўқотган эди.
Манбанинг таъкидлашича, Надирнинг жамоадошлари Пьер-Эмиль Хёйбьерг ва Жоффрей Кондогбия ҳам иш жойини ўзгартириши мумкин. Артур Вермерен эса ижара муддати якунлангач, «Лейпциг»га қайтади.
