Пол Скоулзнинг фикрича, «Бавария» ва «ПСЖ» АПЛ ғолибига айланган бўларди.

— Сизнингча, «ПСЖ» ва «Бавария» АПЛга келиб, лигамизда ғалаба қозона олармиди? — дея сўради «Манчестер Юнайтед»нинг собиқ ярим ҳимоячиси «Stick to Football» кўрсатувининг бошқа иштирокчиларидан.

— Улар шубҳасиз соврин учун курашган бўларди, — деб таъкидлади Рой Кин.

— Ўйлайманки, улар осонлик билан ғалаба қозонишарди, — деди Скоулз.

— АПЛдаги рақобат даражасини ҳисобга олсак, ҳар иккала клуб ҳам шиддатли ўйинлар сони туфайли муаммоларга дуч келган бўларди, лекин барибир улар зафар қучишига ишонаман, — дея баёнот берди Иан Райт.