«Челси» бош мураббийи Лиам Росеньор клубдаги ҳолати ҳақида фикр билдирди. «Кўклар» сўнгги ўйинларда муваффақиятсиз натижалар қайд этмоқда, шу сабабли мураббий ҳақли равишда танқидлар остида қолди.
«Менга нисбатан шубҳалар тайинланганимдан уч дақиқа ўтибоқ бошланган эди, уч ой ўтганидан кейин-ку нима ҳам дейиш мумкин. Бу мутлақо табиий ҳолат. Мен имкониятларимизга ва лойиҳамизга ишонаман. Нимани хоҳлаётганимизни яхши биламиз», — дея январь ойида Энцо Маресканинг ўрнини эгаллаган Росеньорнинг сўзларини келтиради журналист Киран Жилл.
Шанба куни «Челси» ўз майдонида «Манчестер Юнайтед»га қарши баҳс олиб боради.
