23 ёшли ярим ҳимоячи Георгий Судаков ёзги трансфер ойнасида Лиссабоннинг «Бенфика» клубини тарк этиши мумкин. Бу ҳақда Record журналистлари хабар бермоқда.
Манбага кўра, «бургутлар» устози Жозе Моуриньо украиналик ярим ҳимоячининг ўйинидан қониқмаяпти. Футболчининг ўзи ҳам кўпроқ ўйин амалиётига эга бўлиш учун бошқа жамоага ўтишга қарши эмас. Эслатиб ўтамиз, «Бенфика» Судаковни Украинанинг «Шахтёр» клубидан жорий мавсум охиригача ижарага олган эди. Лиссабонликлар футболчини сотиб олиш ҳуқуқига эга, бироқ воқеаларнинг бундай тус олиши эҳтимолдан йироқ.
23 ёшли ярим ҳимоячининг трансфер қиймати 28 миллион еврога баҳоланмоқда.
