"Челси" бош мураббийи Жозе Моуриньо "Манчестер Юнайтед" ҳужумчиси Уэйн Руни билан боғлиқ тушунарсиз вазиятга изоҳ беришни лозим топди.
"Рунини ҳарид қилишга ҳаракат қиляпмиз, ахир "МЮ"да унга асосий ҳужумчи ван Перси учун захира варианти бўлишини айтишган.
У ўзини клубида бахтли ҳис этмаётганининг ҳайрон қоладиган жойи йўқ. Албатта, бунга айнан "МЮ" бош мураббийи айбдор - Дэвид Мойес", дея португалиялик мутахассиснинг сўзларидан иқтибос келтиради 101 Great Goals, бугун тонгда нашр этилган The Telegraph`га асосланиб.
Хориж ОАВда юрган хабарларга қараганда, "Челси" Руни трансфери юзасидан учинчи таклифини ҳам тайёрлашга киришган.
Эслатиб ўтамиз, аввалроқ Дэвид Мойес Руни сотилмаслигини маълум қилганди.
