«Ювентус» «Барселона»дан Руни Бардагжини ижарага олмоқчи, деб хабар бермоқда Mundo Deportivo. Туринликлардан ташқари, швециялик вингерга «Монако», «Порту» ва «Бетис» клублари ҳам қизиқиш билдирмоқда.

Бардагжининг ўзи кўпроқ ўйин амалиётига эга бўлиш учун ёзда ижара вариантини кўриб чиқиши мумкин. Бироқ ҳозирча «Барселона» футболчини ҳатто ижарага ҳам қўйиб юбориш ниятида эмас. Бундан ташқари, «кўк-анорранглилар» бош мураббийи Ханс-Дитер Флик футболчининг ҳаракатларидан жуда мамнун.

Ла Лиганинг жорий мавсумида 20 ёшли Барджи 16 та ўйинда майдонга тушиб, 1 та гол урди ва 1 та голли узатмани амалга оширди.