Нидерландия терма жамоаси бош мураббийи Рональд Куман «Барселона»га АЗ клуби аъзоси Кес Смитни сотиб олишни маслаҳат берди.

"Бу "Барса" учун мос келадиган ўйинчи. У Педри ва Френки де Йонгнинг қоришмасидир. Агар сен ушбу икки футболчининг сифатларини бирлаштира олсанг — демак, сен жуда кучлисан.

Нидерландияда ҳеч қайси клуб уни сотиб ололмайди — унинг учун 60 миллион евро сўрашмоқда. У чет элга кетади; умид қиламанки, у доимий ўйин амалиётига эга бўлишда давом этади.

У бизда қачондир бўлган энг яхши ёш ўйинчилардан бирига айланади. У ҳали кўп нарсани ўрганиши ва кўпроқ ўйинларда майдонга тушиши керак", — деди Куман Cayo TV га берган интервьюсида.

Аввалроқ «Барселона», «Реал Мадрид», «Манчестер Юнайтед», «Ньюкасл» ва «Боруссия Дортмунд» клублари Смитга қизиқиш билдираётгани ҳақида хабар берилган эди.