«Реал Сосьедад» ҳужумчиси Микель Ойярсабал Испания Кубоги финали доирасида «Атлетико» дарвозасини ишғол қилди (2:2, пенальтилар серияси бўйича — 4:3).
Opta нашрининг хабар беришича, 28 ёшли испаниялик футболчи «Реал Сосьедад» тарихида иккита Испания Кубоги финалида гол урган илк ўйинчига айланди. У бундан аввал 2020 йилги финалда «Атлетик Билбао» дарвозасига ҳам йўл топган эди. Эътиборли жиҳати, ҳар икки финалдаги голлар ҳам пенальтидан киритилган.
2025/26 йилги мавсумда Ойярсабал жами 33 та ўйинда майдонга тушиб, 15 та гол урди ва 3 та голли узатмани амалга оширди.
