"Арсенал"нинг собиқ ҳимоячиси Тони Адамс "Манчестер Сити"га қарши баҳсни АПЛдаги чемпионлик пойгаси учун ҳал қилувчи ўйин деб ҳисобламайди.
Жамоалар бугун Премьер-лиганинг 33-турида ўзаро тўқнаш келишади. "Канонирлар" 70 очко билан турнир жадвалида пешқадамлик қилмоқда, иккинчи ўриндаги "шаҳарликлар" ҳисобида 64 очко бор ва уларда битта захира ўйини мавжуд.
"Агар "Арсенал" ғалаба қозонса, бу жуда яхши бўлади, лекин мағлубиятга учраса ҳам бунинг аҳамияти йўқ. Бу чизиқни албатта босиб ўтиш шарт эмас.
1989 йилдаги тажрибамдан келиб чиқиб айтсам, бу жуда қийин. Сиз худди: "Мана шу ўйин. Ундаги ғалаба чемпионликни таъминлайди", деб ўйлайсиз, лекин кейин дербида ютқазасиз ёки "Уимблдон" билан дуранг ўйнайсиз, шунинг учун ҳеч қачон олдиндан айтиб бўлмайди.
Якунда бу шунчаки навбатдаги ўйин", — деди Адамс.
