«Манчестер Юнайтед»нинг собиқ футболчиси Эрик Кантона «қизил иблислар» ярим ҳимоячиси Мэйсон Маунт ҳақидаги фикрлари билан ўртоқлашди. Кеча бўлиб ўтган АПЛнинг 33-тур учрашувида «Челси» мухлислари футболчини ҳуштакбозлик билан кутиб олишди, у эса бармоғини лабига қўйиб, уларни жим бўлишга чорлади.

«Тўғрисини айтсам, унинг бундай қилишга тўла ҳаққи бор эди. У клубни эркин агент сифатида эмас, балки катта маблағ эвазига тарк этган, шундай экан, бу ҳуштакбозликларни тушунмайман. У жамоанинг муваффақиятларига, жумладан, Чемпионлар лигасидаги ғалабасига ўз ҳиссасини қўшган. Мухлисларнинг реакцияси ҳаддан ташқаридек туюлмоқда. «Манчестер Юнайтед» ҳам Алехандро Гарначо билан шундай йўл тутган эди, чунки у кетишидан олдин клубда ҳеч қандай из қолдирмаганди. Очиғини айтганда, мен учун Маунт — «Челси» афсонаси», — деди Кантона.

Мэйсон Маунт «Челси» тарбияланувчиси ҳисобланади. У «кўклар»нинг асосий жамоасида 2019 йилдан 2023 йилгача тўп тепган.