«Милан» Италия чемпионатининг 33-турида сафарда «Верона»дан устун келди — 1:0. Учрашув «Маркантонио Бентегоди» стадионида бўлиб ўтди.

Ўйиндаги ягона гол 41-дақиқада Адриен Рабьо томонидан киритилди.

Ушбу ғалабадан сўнг «Милан» 66 очко жамғарди ва Серия А турнир жадвалида иккинчи ўринга кўтарилди. Жамоа қўшимча кўрсаткичлар эвазига «Наполи»ни (66 очко) ортда қолдирди. Италия чемпионатида «Интер» 78 очко билан пешқадамлик қилмоқда.

«Верона» кетма-кет бешинчи ўйинда мағлубиятга учради ва Серия Ада сўнгги, 20-ўринни эгаллаб турибди.

Келгуси турда «Милан» 26 апрель куни «Ювентус»ни қабул қилади, «Верона» эса 25 апрелда «Лечче» билан куч синашади.