Италиялик журналист Жузеппе Пасторе Каталониянинг «Барселона» клубини Рафаэль Леау учун идеал жамоа деб ҳисоблайди.
«Менимча, «Барселона»нинг ўйин услубини инобатга олсак, бу клуб Леау учун айни муддао. У ерда унинг зиммасига ҳимояланиш вазифалари юкланмайди, чунки «Барселона» учун ҳимоя биринчи даражали мақсад эмас. Мен бундай вариантга қизиқиш билан қараган бўлардим», — дея Жузеппе Пасторенинг сўзларини келтирмоқда pianetamilan.it.
Эслатиб ўтамиз, томонларнинг бир-бирига бўлган қизиқиши ҳақидаги миш-мишлар анчадан бери юрибди. Италияда эса Рафаэль Леау айнан «ҳимояланишни ёқтирмаслиги» учун тез-тез танқид қилинади. Португалиялик футболчи 2019 йилдан бери «Милан» шарафини ҳимоя қилиб келмоқда.
