Italiyalik jurnalist Juzeppe Pastore Kataloniyaning «Barselona» klubini Rafael Leau uchun ideal jamoa deb hisoblaydi.
«Menimcha, «Barselona»ning o‘yin uslubini inobatga olsak, bu klub Leau uchun ayni muddao. U yerda uning zimmasiga himoyalanish vazifalari yuklanmaydi, chunki «Barselona» uchun himoya birinchi darajali maqsad emas. Men bunday variantga qiziqish bilan qaragan bo‘lardim», — deya Juzeppe Pastorening so‘zlarini keltirmoqda pianetamilan.it.
Eslatib o‘tamiz, tomonlarning bir-biriga bo‘lgan qiziqishi haqidagi mish-mishlar anchadan beri yuribdi. Italiyada esa Rafael Leau aynan «himoyalanishni yoqtirmasligi» uchun tez-tez tanqid qilinadi. Portugaliyalik futbolchi 2019 yildan beri «Milan» sharafini himoya qilib kelmoqda.
