«Бавария» ҳужумкор ярим ҳимоячиси Серж Гнабри жароҳати сабабли узоқ муддатга сафдан чиқди. 30 ёшли футболчи мушакларининг йиртилиши туфайли уч ойдан кўпроқ вақтни ўтказиб юбориши мумкин — унинг бўлажак жаҳон чемпионатидаги иштироки деярли истисно қилинмоқда.
«Серж хотиржам, лекин албатта, ҳафсаласи пир бўлган. Ёшинг 30-31 да бўлганида, эҳтимол, олдингда фақат битта жаҳон чемпионати қолган бўлади. Гнабри яна қанча ўйнашини билмайман, лекин бу унинг [ЖЧда қатнашиш учун] сўнгги имконияти бўлган бўлиши мумкин. Мана нимаси драматик», — дея «Бавария» спорт бўлими раҳбари Макс Эберлнинг сўзларини келтирмоқда Bayern & Germany.
Серж Гнабри Германия терма жамоаси сафида 59 та ўйинда майдонга тушиб, 26 та гол ва 11 та голли узатмага муаллифлик қилган. Футболчининг миллий жамоадаги дебюти 2016 йилда бўлиб ўтган эди.
