Англиянинг “Манчестер Сити” клуби ҳужумчиси Эрлинг Ҳоланд ўзбекистонлик ҳимоячи Абдуқодир Ҳусанов ҳақида ўз фикрлари билан ўртоқлашди. Норвегиялик форвард “Ҳуса”нинг жамоага мослашув жараёни ва босимларга дош бериш қобилиятини алоҳида эътироф этди.

Ҳоланднинг сўзларига кўра, Ҳусанов учун Англия Премьер Лигасидаги илк даврлари осон кечмаган:

«"Ҳуса" жамоамиз учун ҳақиқий топилма бўлди. У учун ҳаммаси осон бўлгани йўқ: янги мамлакатга кўчиб ўтиш, тилни билмаслик — булар жуда оғир. Бунинг устига, у Англия Премьер Лигасидаги илк ўзбекистонлик футболчи бўлгани учун унинг елкасида катта босим бор эди», — дея Ҳоланднинг сўзларини келтирмоқда Sky Sports.

Эслатиб ўтамиз, Абдуқодир Ҳусанов 2025-йилнинг январь ойида Франциянинг “Ланс” клубидан “шаҳарликлар” сафига келиб қўшилган эди. Жорий мавсум 22 ёшли ҳимоячи барча мусобақалар доирасида жами 31 та ўйинда майдонга тушди. Transfermarkt портали ўзбекистонлик футболчининг бозор қийматини 35 миллион еврога баҳоламоқда. Ҳусановнинг “Манчестер Сити” билан амалдаги шартномаси 2029-йилнинг ёзига қадар мўлжалланган.