«Арсенал» ҳужумчиси Габриэль Жезус ёзда жамоасини ўзгартириши мумкин. Бу ҳақда инсайдер Фабрицио Романо хабар бермоқда.
Қайд этилишича, айни дамда футболчи бор эътиборини мавсумнинг қолган қисмига қаратган. Бироқ ёзда бразилиялик ҳужумчи ўзига келиб тушадиган ҳар қандай потенциал таклифларни кўриб чиқади.
Ушбу мавсумда Габриэль Жезус «Арсенал» либосида 24 та учрашув ўтказди. Ҳужумчи ҳисобида бешта гол ва иккита голли узатма бор. Эслатиб ўтамиз, форвард Лондон клубига «Манчестер Сити»дан ўтган эди. Оммавий ахборот воситаларининг хабарига кўра, футболчига Бразилия клублари қизиқиш билдирмоқда.
