«Arsenal» hujumchisi Gabriel Jezus yozda jamoasini o‘zgartirishi mumkin. Bu haqda insayder Fabrisio Romano xabar bermoqda.
Qayd etilishicha, ayni damda futbolchi bor e’tiborini mavsumning qolgan qismiga qaratgan. Biroq yozda braziliyalik hujumchi o‘ziga kelib tushadigan har qanday potensial takliflarni ko‘rib chiqadi.
Ushbu mavsumda Gabriel Jezus «Arsenal» libosida 24 ta uchrashuv o‘tkazdi. Hujumchi hisobida beshta gol va ikkita golli uzatma bor. Eslatib o‘tamiz, forvard London klubiga «Manchester Siti»dan o‘tgan edi. Ommaviy axborot vositalarining xabariga ko‘ra, futbolchiga Braziliya klublari qiziqish bildirmoqda.
