«Пари Сен-Жермен» ярим ҳимоячиси Витинья якшанба куни Лига 1 доирасида «Лион»га қарши кечган баҳсда жароҳат олди. Португалиялик хавбек учрашувнинг 39-дақиқасида майдонни мажбурий тарзда тарк этди.
28 апрель куни парижликлар Чемпионлар лигаси ярим финали доирасида «Бавария»га қарши дастлабки ўйинни ўтказади.
«Витиньянинг жароҳати? Бундай тўқнашувдан кейин футболчини алмаштиришга мажбур бўлганингда, ижобий фикр билдириш қийин. Эртанги тиббий тестлар натижасини кутишимиз керак», — деди «ПСЖ» бош мураббийи Луис Энрике ўйиндан кейинги интервьюсида.
