Мадриднинг «Атлетико» клуби ҳужумчиси Александр Сёрлот фаолиятини Италия А Сериясида давом эттириши мумкин. Инсайдер Экрем Конурнинг хабар беришича, норвегиялик футболчига «Милан» клуби жиддий қизиқиш билдирмоқда.
«Россонери» 2024 йилда «Вильярреал»дан 32 миллион евро эвазига сотиб олинган ҳужумчи учун тахминан 40 миллион евро сарфлашга тайёр. Сорлотнинг мадридликлар билан амалдаги шартномаси 2028 йилнинг ёзига қадар мўлжалланган.
Маълумот учун, жорий мавсумда 30 ёшли ҳужумчи «матрасчилар» сафида барча турнирларда 48 та ўйинда майдонга тушиб, 17 та гол ва 1 та голли узатмага муаллифлик қилди. Қизиқарли жиҳати шундаки, Transfermarkt портали футболчининг бозор қийматини 20 миллион еврога баҳоламоқда.
