«Ливерпуль»нинг собиқ футболчиси Жейми Каррагер Арне Слотнинг мерсисайдликлар бошқарувидаги келажаги ҳақида маълумот берди.
«Мендаги маълумотларга кўра, агар жамоа Чемпионлар лигасига йўлланма олса, Слот кейинги мавсумда ҳам «Ливерпуль» бош мураббийи сифатида қолади. Ҳозирги ҳолатда улар буни уддалайдигандек кўринишмоқда», – деди эксперт Monday Night Football кўрсатувида.
Айни дамда «қизиллар» Англия Премьер-лигаси турнир жадвалида бешинчи ўринни эгаллаб турибди. Бу ўрин кейинги мавсумда Чемпионлар лигасининг умумий босқичида иштирок этиш ҳуқуқини беради.
