«Комо» президенти Мирван Суварсо Италия клуби бош мураббийи Сеск Фабрегасга «Челси» томонидан бўлаётган эҳтимолий қизиқиш ҳақидаги саволга жавоб берди.
«Агар бу уни бахтли қилса — майли. Ходимларинг сен билан иложи борича узоқ вақт қолишини хоҳлайсан, албатта, лекин якунда у бизнинг мулкимиз эмас. Агар истаса, «Челси»га кетиши мумкин», — дея Суварсонинг сўзларини келтиради City AM.
Фабрегас ҳозир 38 ёшда. У 2024 йилдан бери «Комо»ни бошқариб келмоқда. Ушбу мавсумда жамоа 33 турдан сўнг 58 очко билан Италия Серия Асида бешинчи ўринни эгаллаб турибди.
22 апрель куни «Челси» Лиам Росеньор ишдан бўшатилганини эълон қилган эди. Англиялик мутахассис Лондон клубида шу йилнинг январь ойидан бери ишлаётган эди.
