«Интер» марказий ҳимоячи Мануэль Аканджини «Манчестер Сити»дан 15 миллион евро эвазига сотиб олади. Барча расмиятчиликлар май ойида ҳал қилинади. Бу ҳақда журналист Фабрицио Романо ўзининг X ижтимоий тармоғидаги саҳифасида хабар бермоқда.
Швейцариялик футболчи жорий мавсум бошида «нерадзурри» сафига ижара асосида ўтган эди. Ушбу давр мобайнида ҳимоячи барча турнирларда 42 та ўйинда иштирок этиб, 2 та гол уришга муваффақ бўлди.
Футболчининг инглиз клуби билан амалдаги шартномаси 2027 йилнинг ёзига қадар мўлжалланган. Transfermarkt портали маълумотларига кўра, Аканджининг бозор қиймати 18 миллион еврони ташкил этади.
