Махачқалъанинг «Динамо» клуби ҳужумкор ярим ҳимоячиси Муҳаммаджавад Ҳусайннажод Эрон терма жамоасининг 2026 йилги Жаҳон чемпионатидаги иштироки борасида ўз фикрларини билдирди.
Март ойида Эрон спорт вазири АҚШнинг ҳарбий операцияси сабабли миллий терма жамоа мундиалда иштирок этмоқчи эмаслигини маълум қилган эди, бироқ бу бўйича терма жамоа томонидан расмий баёнот берилмади. ФИФА президенти Жанни Инфантино эса эронликлар ЖЧ-2026 га келишини бир неча бор таъкидлаган.
«Ҳар бир футболчи учун бу жуда муҳим. У ерда ўйнашни истардим. Лекин биз Эрон футбол федерацияси нима қарорга келишини ва мезбон томонда вазият қандай бўлишини кутишимиз керак. Мен шунчаки ҳаммаси яхши бўлишига умид қиламан», — дея футболчининг сўзларини келтиради «Чемпионат» нашри.
Бўлажак Жаҳон чемпионатининг гуруҳ босқичида Эрон терма жамоаси Бельгия, Миср ва Янги Зеландияга қарши баҳс олиб боради.
