Бразилия терма жамоаси ва Мадриднинг «Реал» клуби ҳимоячиси Эдер Милитао Жаҳон чемпионати-2026ни ўтказиб юбориши мумкин. 28 ёшли футболчининг жароҳати дастлаб ўйланганидан кўра оғирроқ экани маълум бўлди. Бу ҳақда COPE хабар берди.
Манбага кўра, Милитаонинг олдинги жароҳатидан кейин қолган чандиқ очилиб кетган. Шу сабабли унга жарроҳлик амалиёти керак бўлади.
Футболчи Испания чемпионатининг 33-турида «Алавес»га қарши ўйинда (2:1) жароҳат олган эди. Аввал у сон мушагининг иккита бошли мушаги шикастлангани айтилган эди. Дастлаб у мавсум охиригача сафдан чиқади, деб кутилган, аммо энди эҳтимол Жаҳон чемпионатида ҳам иштирок эта олмаслиги мумкин.
Милитао Бразилия терма жамоаси сафида барча мусобақаларда 38 та ўйин ўтказган.













