«ПСЖ» бош мураббийи Луис Энрике Франция чемпионати 31-турида «Анже»га қарши учрашувда Гонсалу Рамушнинг майдондан четлатилишига муносабат билдирди.

Парижликлар ушбу баҳсда 3:0 ҳисобида ғалаба қозонган бўлса-да, 74-дақиқада ҳужумчи Гонсалу Рамуш иккинчи сариқ карточкаси учун майдонни тарк этди.

— Ягона салбий жиҳат Гонсалу Рамушнинг четлатилиши бўлдими?

— Бу кўпроқ ўйин эпизоди эди. Ҳужумчининг қоидабузиш нияти бўлмаган ҳолда майдондан четлатилганини биринчи марта кўряпман, — деди Энрике L'Équipe нашрига.

Франция чемпионатида 30 та ўйиндан кейин «ПСЖ» 69 очко билан турнир жадвали пешқадами бўлиб турибди. «Анже» эса 31 учрашувдан сўнг 34 очко билан 13-ўринда жойлашган.

Кейинги турда «Анже» 3 май куни сафарда «Осер»га қарши ўйнайди, «ПСЖ» эса бир кун олдин ўз майдонида «Лорьян»ни қабул қилади.

Франция — Лига 1, 31-тур
25 апрель 2026 йил, шанба
«Анже» — «ПСЖ» 0:3
Голлар: Ли Кан Ин 7 (0:1), Маюлу 39 (0:2), Бералдо 52 (0:3).
Четлатиш: Гонсалу Рамуш 74 («ПСЖ»).