«PSJ» bosh murabbiyi Luis Enrike Fransiya chempionati 31-turida «Anje»ga qarshi uchrashuvda Gonsalu Ramushning maydondan chetlatilishiga munosabat bildirdi.

Parijliklar ushbu bahsda 3:0 hisobida g‘alaba qozongan bo‘lsa-da, 74-daqiqada hujumchi Gonsalu Ramush ikkinchi sariq kartochkasi uchun maydonni tark etdi.

— Yagona salbiy jihat Gonsalu Ramushning chetlatilishi bo‘ldimi?

— Bu ko‘proq o‘yin epizodi edi. Hujumchining qoidabuzish niyati bo‘lmagan holda maydondan chetlatilganini birinchi marta ko‘ryapman, — dedi Enrike L'Équipe nashriga.

Fransiya chempionatida 30 ta o‘yindan keyin «PSJ» 69 ochko bilan turnir jadvali peshqadami bo‘lib turibdi. «Anje» esa 31 uchrashuvdan so‘ng 34 ochko bilan 13-o‘rinda joylashgan.

Keyingi turda «Anje» 3 may kuni safarda «Oser»ga qarshi o‘ynaydi, «PSJ» esa bir kun oldin o‘z maydonida «Loryan»ni qabul qiladi.

Fransiya — Liga 1, 31-tur
25 aprel 2026 yil, shanba
«Anje» — «PSJ» 0:3
Gollar: Li Kan In 7 (0:1), Mayulu 39 (0:2), Beraldo 52 (0:3).
Chetlatish: Gonsalu Ramush 74 («PSJ»).