«Барселона» собиқ бош мураббийи Хави Эрнандес Ханс-Дитер Фликнинг муваффақиятларига баҳо берди.
Германиялик мутахассис қўл остида «кўк-анорранглилар» ички аренада ҳукмронлик қилмоқда — Ла Лигада кетма-кет иккинчи чемпионлик қўлга киритилишига оз қолди.
«Ҳанси Флик истисновий даражадаги (ажойиб) ишни амалга оширмоқда. Ўйлайманки, футболчилар совринлар учун мунтазам курашишга тайёр бўлишди. «Барселона»да Ямал, Кунде, Фермин, Педри ва Гави тимсолида кейинги ўн йиллик учун асос (ўзак) бор. Ушбу йигитларнинг ривожланишига биз ҳам ҳисса қўшганимиздан мамнунман», — дея Barca Times испаниялик мутахассиснинг интервьюсидан иқтибос келтирмоқда.
Эслатиб ўтамиз, Хави 2021 йилдан 2024 йилгача Каталония клубини бошқарган ва клуб президенти Жоан Лапорта билан юзага келган келишмовчиликлар туфайли истеъфога чиқарилган эди.
