«Интер» якшанба оқшомида Италия чемпионати доирасида «Торино»га қарши сафар ўйинини ўтказмоқда. Биринчи бўлим давомида Федерико Димарко ўз ҳисобига голли узатмани ёздириб қўйди.
Натижада, Димарко А Серия тарихини қайта ёзди — у бир мавсум давомида амалга оширилган голли узатмалар сони бўйича рекордчига айланди. Жорий чемпионатда Федерико аллақачон 17 бор шерикларига голли пас берди.
Бунгача рекорд Алехандро Гомесга тегишли эди — 2019/2020 йилги мавсумда ушбу футболчи «Аталанта» таркибида 16 та голли узатмани амалга оширган.
Шуни таъкидлаш жоизки, голли узатмалар бўйича статистика 2004/2005 йилги мавсумдан буён юритиб келинади.
