Каталониянинг «Барселона» клуби таркибни ёшартириш сиёсати доирасида Амстердамнинг «Аякс» жамоаси қанот ҳужумчиси Мика Годтсни ўз кузатувига олди. Бу ҳақда Европа спорт нашрлари хабар бермоқда.
Маълумотларга кўра, «кўк-анорранглилар» скаутлари 20 ёшли бельгиялик футболчининг Нидерландия чемпионати ва еврокубоклардаги чиқишларини диққат билан кузатиб боришмоқда. Годтс ўзининг тезкорлиги, дриблинг маҳорати ва универсаллиги билан «Барселона» мураббийлар штаби эътиборини тортган.
Ҳозирда футболчининг трансфер қиймати ва эҳтимолий шартнома шартлари ўрганилмоқда. «Аякс» ўз навбатида ёш юлдузини осонликча қўйиб юбормоқчи эмас ва унинг учун сезиларли товон пули талаб қилиши кутилмоқда.
