Мюнхеннинг «Бавария» клуби спорт директори Макс Эберль жамоанинг трансфер режалари ва «Ньюкасл» ҳужумчиси Энтони Гордоннинг эҳтимолий трансфери ҳақидаги миш-мишларга тўхталди.
«Энтони Гордон билан боғлиқ келишув? Амалдаги шартномаси бор футболчилар ҳақида гапириш ҳурматсизлик бўлган бўларди. Биз ёзги трансфер бозорига хотиржамлик ва ақл билан ёндаша оламиз», — дея Эберлнинг ZDF телеканалига берган интервьюсидан иқтибос келтиради инглиз ва немис нашрлари.
Эслатиб ўтамиз, аввалроқ ОАВда «Бавария» инглиз футболчисини ўз сафига қўшиб олмоқчи экани ҳақида хабарлар тарқалган эди.
