"Ардус" клублар ўртасидаги Осиё чемпионатининг иккинчи тури доирасида Қатарнинг "Ас-Садд" клубига ютқазиб қўйди. Ўйиндан кейинги матбуот анжуманида мураббий Баҳодир Аҳмедов ҳамон гуруҳдан чиқиш учун умид борлигини таъкидлаб ўтди.

"Биринчи бўлимда ўйинни тўлиқ назорат қилдик. Йигитлар ҳам ҳимояда, ҳам ҳужумда яхши ўйин кўрсатишди ва рақибга бўш ҳудуд қолдиришмади. Лекин иккинчи бўлимда барчаси ўзгариб кетди. Футзалчилар ўзларига ортиқча ишониб юборишди ва темпни пасайтиришди. Биз рақибга ўйин назоратини бериб қўйдик. Ҳар қандай ҳолатда ҳам ҳали гуруҳдан чиқиш имкониятини қўлдан чиқармадик. Пайшанба куни чемпионларга қарши бўладиган ўйинда энг яхши ўйинимизни кўрсатишга ҳаракат қиламиз", дейди Баҳодир Аҳмедов.