«Манчестер Юнайтед» афсонаси Гари Невилл Лондоннинг «Арсенал» клубини Чемпионлар лигасидаги иштироки борасида ўз фикрини билдирди. Ярим финал босқичида «канонирлар»га Мадриднинг «Атлетико» жамоаси рақиблик қилади.

«Бу футболчиларнинг кўпчилиги Чемпионлар лигасида қандай ғалаба қозонишни билишмайди. Улар чемпионлик пойгасида муваффақиятга жуда яқин келишди ва энди унда мағлуб бўлмасликни қаттиқ исташади. Менимча, Артета бир турнирни бошқасидан устун қўймаслиги керак, аммо у ҳозир АПЛда ғолиб чиқиш Чемпионлар лигасига қараганда осонроқ эканини билади», — дея экспертнинг сўзларини келтиради Goal.com.

«У ерда улардан кўра яхшироқ жамоалар бор. Уларнинг ярим финалда «Атлетико» тўсиғидан ўта олишига ишонмайман, лекин чемпионатда имкониятлари борлигини кўряпман», — дея қўшимча қилди эксперт.

«Атлетико» ва «Арсенал» ўртасидаги дастлабки учрашув 29 апрель куни бўлиб ўтади.