Англия Премьер-лигасининг 34-туридан ўрин олган «Манчестер Юнайтед» ва «Брентфорд» жамоалари ўртасидаги баҳсда мезбонлар ҳимоячиси Люк Шоу жароҳат олди.
«Олд Траффорд»да кечган учрашувнинг иккинчи бўлимида англиялик ҳимоячи оёғида оғриқ сезиб, тиббий ёрдам сўради. Натижада Шоу баҳсни давом эттира олмади ва оқсоқланган ҳолда майдонни тарк этди. Ўйиннинг 73-дақиқасида унинг ўрнига ёш ҳимоячи Лени Йоро туширилди.
Мазкур ўзгариш амалга оширилган вақтда «қизил иблислар» 2:0 ҳисобида олдинда бораётган эди. Эслатиб ўтамиз, учрашувнинг биринчи бўлимида Каземиро ва Беньямин Шешко томонидан киритилган голлар мезбонларнинг устунлигини таъминлади. Ҳозирча Шоунинг жароҳати қай даражада жиддий экани маълум қилинмаган.
